Rrëshqet dheu, bllokohet rruga Mitrovicë – Zveçan

08:44 | 16 Gusht 2018
Arbresh.info

Rruga Mitrovicë – Zveçan aktualisht është e bllokuar si pasojë e rrëshqitjeve të dheut.
Rrëshqitja e dheut ka ndodhur mbrëmë rreth orës 22:00 te vendi i quajtur “Kërshi i Kanjushës” afër fshatit Lisicë.

Lajmin e ka konfirmuar zëdhënësi i policisë për rajonin e Mitrovicës, Avni Zahiti.

Sipas tij, Policia ka dalë menjëherë në vendin e ngjarjes dhe për shkaqe të sigurisë ka bllokuar rrugën.

“Zyrtarë të Ministrisë së Infrastrukturës të cilët mbrëmë gjatë natës vizituan vendin, kanë urdhëruar të mbyllet rruga për shkak të rrezikut nga rrëshqitja e dheut në këtë zonë”, ka thënë Zahiti.

Pritet që gjatë ditës së sotme organet gjegjëse të ndërmarrin hapa për të zgjidhur problemin në këtë rrugë, në mënyrë që ajo të jetë e qarkullueshme.

 

Shpërndaje në rrjete sociale

Lajmet më të lexuara

Të ngjashme

Foto lajm